नवलपुरमा शक्तिशाली बेवारिसे बम भेटियो

नवलपुर,१३ चैत । नवलपुरमा बेवारिसे अबस्थामा बम फेला परेको छ। नवलपुरको विनयी त्रिवेणी गाउँपालिका वडा नं.५ सर्दिस्थीत तालदेवी सामुदायिक वन भित्र बारीमा बेवारिसे अबस्थामा बम भेटिएको जिल्ला प्रहरी कार्यालय नवलपुरले जानकारी दिएको छ ।

सर्दीका स्थानीय बासिन्दा रुकेश सरामुका अनुसार आफ्ना बाबुनानीले जंगलमा बाख्रा चराउन जाँदा बमका गोला देखेका थिए ।

भारतीय सेनाका पूर्वसैनिकसमेत रहनुभएको सरामुका अनुसार ती ८१ एमएम मोर्टारका बम (गोला) हुन्। ती बम ५ हजार २ सय मिटर रेन्जका हुन् ।’५२ सय मिटर रेन्जका ती बम जमिनमा विस्फोट हुँदा १ सय ८० मिटर वरपरको क्षेत्र ध्वस्त पार्ने सरामुले दाबी गरे ।