नारायणगढ-मुग्लिन सडकमा दुर्घटना,५ जना घाइते,१ को अवस्था गम्घिर

खबर चितवन

प्रकाशित मिति
१२ चैत्र २०७९, आईतवार ०७:१८

भरतपुर,१२ चैत । नारायणगढ-मुग्लिन सडकको भरतपुर महानगरपालिका-२९ चौधकिलोमा शनिबार (हिजो) साँझ ८ बजेतिर ट्रकसँग कार ठोक्किँदा कारमा रहेका पाँच जना घाइते भएका छन् । घाइतेमध्ये एक जनाको अवस्था जटिल रहेको चितवन जिल्ला प्रहरी कार्यालयले जनाएको छ । प्रवक्ता डिएसपी विजयराज पण्डितका अनुसार मुग्लिनबाट नारायणगढतर्फ आउँदै गरेको लु १ ख ८२६६ नम्बरको ट्रकले मुग्लिनतर्फ जाँदै गरेको बा २१ च ३७१५ नम्बरको कारलाई ठक्कर दिएको थियो ।

कारमा बसेका नवलपरासी देवचुली नगरपालिका-१४ का ४३ वर्षीय टेकप्रसाद न्यौपानेको हात, खुट्टा र टाउकोमा गम्भीर चोट लागेको डिएसपी पण्डितले बताए । उनको भरतपुरमा रहेको पुरानो मेडिकल कलेजको शिक्षण अस्पतालमा उपचार भइरहेको छ । कार चालक सिन्धुपाल्चोकका २३ वर्षीय राजु भुजेलको अवस्था मध्यम छ ।

त्यसैगरी कारमै रहेका गोरखा फुजेल गाउँपालिका-३ बस्ने वर्ष ४३ का राजकुमार सापकोटा र काठमाडौं महानगरपालिका-१६ बस्ने ३३ वर्षीय रामहरि मिश्रको अवस्था मध्यम रहेको प्रहरीले जनाएको छ । नवलपरासी देवचुली-१४ का ४० वर्षीय कमल न्यौपानेको अवस्था भने सामान्य रहेको प्रहरीले जनाएको छ । सबै घाइतेहरूको पुरानो मेडिकल कलेजको शिक्षण अस्पतालमै उपचार भइरहेको छ ।

Post Views: 280