सुनको मूल्यमा नयाँ कीर्तिमान,आज तोलामा ४ सय रुपैयाँले वृद्धि

काठमाडौं,३ चैत । सुनको मूल्यले नयाँ कीर्तिमान बनाएको छ ।शुक्रबार आज पनि छापावाला सुनको मूल्य तोलामा ४ सय रुपैयाँले बढेको छ ।

बिहीबार एक लाख ६ हजार सात सय रूपैयाँमा कारोबार भएको सुन आज ४ सय ले बढेर १ लाख ७ हजार १ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

यसअघि गत फागुन १२ मा नेपाली बजारमा सुनको मूल्य प्रतितोला १ लाख ६ हजार ९ सय रुपैयाँ पुगेको थियो । सोही रेकर्डलाई तोड्दै शुक्रबार सुनको मूल्यले नयाँ कीर्तिमान बनाएको छ ।

त्यस्तै, आज तेजाबी सुनको मूल्यसमेत तोलामा ४ सय रुपैयाँले नै बढ्दै १ लाख ६ हजार ६ सय रुपैयाँ पुगेको छ।महासंघका अनुसार चाँदीको मूल्य आज तोलामा ५ रुपैयाँले बढेको छ । योसँगै आज चाँदी प्रतितोला १ हजार ३ सय १० रुपैयाँमा कारोबार भइरहेको छ ।