राष्ट्रपति पौडेललाई भारतीय राष्ट्रपतिको टेलिफोन

काठमाडौं,३ चैत । भारतका राष्ट्रपति द्रौपदी मुर्मूले नेपालका राष्ट्रपति रामचन्द्र पौडेलसँग टेलिफोनवार्ता गरेकी छन्।

उनले राष्ट्रपतिको पदभार ग्रहण गरेकोमा पौडेललाई बधाई दिनुका साथै नेपाल-भारतबीचको विशिष्ट सम्बन्धलाई थप मजबुत बनाउने उपायबारे छलफल गर‍ेको बताइएको छ।

भारतीय राष्ट्रपति मुर्मू हाल केरला भ्रमणमा छन्। उनले त्यहीँबाट पौडेललाई फोन गरेकी हुन्।

संवादमा द्विपक्षीय सहयोगलाई अझ अगाडि बढाउने र दुई देशका जनताबीचको मित्रताको बलियो बन्धनलाई थप सुदृढ गर्ने उपायहरूबारे उनीहरूबीच छलफल भएको बताइएको छ।

राष्ट्रपति पौडेलको नेतृत्वमा भारत–नेपाल द्विपक्षीय सम्बन्ध थप उचाइमा पुग्ने राष्ट्रपति मुर्मूले विश्वास व्यक्त गरिन्।