बागमतीसहित यी प्रदेशमाहरुमा वर्षाको सम्भावना

काठमाडाैं,३ चैत । हाल देशमा स्थानीय वायुसँगै पश्चिमी वायुको सामान्य प्रभाव रहेको मौसम पूर्वानुमान महाशाखाले जनाएको छ।  जसको प्रभावले हाल देशभर आंशिकदेखि सामान्य बदली रही कोशी, मधेश, बागमती र लुम्बिनी प्रदेशका थोरै स्थानहरूमा चट्याङसहित हल्का वर्षा भइरहेको छ।

विषेशगरी बर्दिया, गोरखा, नुवाकोट, मकवानपुरलगायत स्थानमा वर्षा भइरहेको मौसमविद् वरुण पौडेलले जानकारी दिए।

 पौडेलका अनुसार दिउँसो देशभर आंशिकदेखि सामान्य बदली रहने छ। साँझपख काठमाडौं उपत्यकामा क्षणिक वर्षाको सम्भावना छ।राति पहाडी तथा तराईका एक-दुई स्थानमा चट्याङ्गसहित हल्का वर्षाको सम्भावना रहेको छ।

यो क्रम आइतबारसम्मै जारी रहने महाशाखाले जनाएको छ ।