काठमाडौं,३ चैत । नेपाली राष्ट्रिय क्रिकेट टिमका खेलाडीलाई प्रधानमन्त्री पुष्पकमल दाहाल (प्रचण्ड)ले जनही ३ लाख रुपैयाँ पुरस्कार दिने घोषणा गर्नुभएको छ। आईसीसी विश्वकप लिग-२ मा तेस्रो स्थान हात पार्दै सिधै एकदिवसीय विश्वकप छनोटमा पुग्न सफल भएकोमा प्रधानमन्त्रीले सम्मान स्वरूप यो पुरस्कार दिने सम्बन्धमा बताऊनुभएको छ।
आज (शुक्रबार) प्रधानमन्त्री निवास बालुवाटारमा बोलाएर प्रचण्डले नेपाली टिमलाई बधाई समेत दिनूभएको छ ।हिजो (बिहीबार) भएको सिरिजको अन्तिम खेलमा डकवर्थ लुइस नियमका आधारमा यूएईलाई ९ रनले पराजित गर्दै नेपाल लिग-२ मा तेश्रो भएको थियो।
प्रधानमन्त्री पुष्पकमल दाहाल प्रचण्डले त्रिवि क्रिकेट मैदान कीर्तिपुरमा तत्काल आधुनिक फ्लडलाइट र स्कोरबोर्ड जडान गर्न निर्देशन दिनुभएकाे छ । त्रिवि मैदानमा पूर्वाधार विकासका लागि आवश्यक साधन स्राेतको व्यवस्था सरकारले गर्ने बताउँदै उहाँले राष्ट्रिय खेलकुद परिषद् (राखेप) यस्ताे निर्देशन दिनुभएकाे छ ।
साथै प्रधानमन्त्री प्रचण्डले चितवनमा बन्न लागेको अन्तर्राष्ट्रियस्तरको क्रिकेट रङ्गशालाकाे समस्या समाधान गरी सरकारले तीव्र गतिमा काम अघि बढाइरहेको बताउनुभयो ।
Discussion about this post