शारदानगरमा चैत्र १३ देखी २० गते सम्म बखान कप हुने

शारदानगर,१ चैत । पश्चिम चितवनको भरतपुर महानगरपालिका १९ बखानपुर शारदानगर खेलमैदानमा चैत्र १३ गते देखि बखान कप खुल्ला नकआउट फुटबल प्रतीयोगिता हुने भएको छ।

भरतपुर महानगरपालिका-१९ वडा कार्यालय,युवा तथा खेलकुद विकास समिति भरतपुर-१९ र शारदानगर भु.पु.सैनिक कल्याणकारी संस्थाको आयोजनामा चैत्र १३ गतेदेखी २० गते सम्म आयोजना हुने भएको छ।

प्रतियोगितामा जिल्ला भित्रकै कुल १२ वटा टिमले सहभागी जनाउने छन्। नेपालको सहकारीका जन्मदाता तथा तत्कालिन पुर्व कानुन मन्त्री बखान सिंह गुरुङको सम्मानमा प्रस्तावित बखान मिनि रंगशाला शारदानगर खेल मैदानमा आयोजना गर्न लागिएको हो।

प्रतियोगिताको बिजेताले रु.१ लाख ११ हजार १ सय ११ रुपैयाँ सहित ट्रफी मेडल र प्रमाणपत्र पाउने छ्न भने उपबिजेता टिमले रु.५५ हजार ५ सय पच्पन्न मेडल र प्रमाणपत्र मात्र पाउने छन् ।

हरेक खेलको उत्कृष्ट खेलाडीले रु.१ हजार त्यस्तै गरि प्रतियोगितामा सर्वोत्कृष्ट -खेलाडी,डिफेन्डर,फर्वाड,डिफेन्डर,मिड फिल्डर, प्रशिक्षक र उदयिमान खेलाडी गरि जनही रु.३ हजार सहित प्रमाणपत्र प्राप्त गर्नेछन्।