देशमा स्थानीय तथा पश्चिमी वायुको प्रभाव : दिउँसो र राति यी प्रदेशमा पानी पर्ने सम्भावना

काठमाडौं,१ चैत । हाल देशमा स्थानीय वायु तथा पश्चिमी वायुको सामान्य प्रभाव रहेको छ। सो मौसमी प्रणालीका कारण हाल गण्डकी र लुम्बिनी प्रदेशमा सामान्य बदली रही देशका अन्य प्रदेशका पहाडी तथा हिमाली भू-भागहरूमा आंशिक बदली र तराई भेगमा मौसम सामान्यतया सफा रहेको छ।

आज कोशी प्रदेश लगायत बागमती प्रदेश र गण्डकी प्रदेश र देशका पहाडी भूभागका थोरै स्थानहरूमा अपराह्णतिर मेघगर्जन र चट्याङ्गसहित क्षणिक र हल्का वर्षाको सम्भावना भएको मौसमविद्ले जनाएको छ ।

राति देशको पहाडी भू-भागहरूमा आंशिकदेखि सामान्य बदली तथा बाँकी भू-भागमा आंशिक बदलीदेखि मौसम सामान्यतया सफा रहनेछ। कोशी, वाग्मती, गण्डकी, र सुदूरपश्चिम प्रदेशका पहाडी भू-भागका एक/दुई स्थानमा मेघ गर्जन/चट्याङसहित क्षणिक/हल्का वर्षाको सम्भावना रहेको महाशाखाको मौसम पूर्वानुमान बुलेटिनमा उल्लेख छ।

देशका पहाडी भूभागमा  मेघगर्जन र चट्याङ्गसहित क्षणिक र हल्का वर्षाको सम्भावना भएको हुँदा आवश्यक सतर्कता अपनाउन मौमसविद्ले आग्रह गरेका छन् ।