जर्मनीको चर्चमा गोली चल्दा ७ जनाको मृत्यु

काठमाडौँ,२६ फागुन । जर्मनीको ह्यामबर्ग सहरको अल्स्टरडोर्फ स्थित एक चर्चमा बन्दुकधारीले अन्धाधुन्ध गाेली चलाउँदा सात जनाकाे मृत्यु भएको अन्तर्राष्ट्रिय समाचार माध्यमहरुले जनाएका छन् ।

तर, मृतकको संख्या भने प्रहरीले पुष्टि गर्न सकेको छैन । धेरै घाइते भएको बताइएको छ । मृतकको संख्या अझै बढ्न सक्ने अनुमान गरिएको छ । प्रहरीका अनुसार आक्रमणकारीले करिब १० मिनेटसम्म गोली चलाएको थियो।

सीसीटीभी स्क्यान भइरहेको प्रहरीले जनाएको छ । चर्च वरपरका सडकहरू घेराबन्दी गरिएको छ र घटनास्थलमा भारी प्रहरी बल तैनाथ गरिएको छ। प्रहरीका अनुसार धेरैलाई गोली लागेको छ । प्रहरी प्रवक्ताले भने– मृत्यु भएकाहरुको शरिरमा गोली लागेको छ । दुई प्रत्यक्षदर्शीले एन–टिभी टेलिभिजनलाई भने कि उनीहरूले बन्दुकको आवाज सुनेका थिए।